प्रति,
*सर्व राज्य पदाधिकारी / जिल्हा / नपा संघ अध्यक्ष / सरचिटणीस*
*अखिल महाराष्ट्र प्राथमिक शिक्षक संघ*
*विषय: ९ जुलै रोजीच्या 'शाळा बंद' आंदोलनात सक्रिय सहभागाबाबत ..*
महोदय
सस्नेह नमस्कार.
*वरील विषयास अनुसरून आपणास कळविण्यात येते की, टीईटी (TET), पदोन्नती, संचमान्यता आणि शिक्षकांवर लादली जाणारी अशैक्षणिक कामे या अत्यंत महत्त्वाच्या व प्रलंबित मागण्यांसाठी राज्य मध्यवर्ती संघटनेने ९ जुलै रोजी 'शाळा बंद' ची हाक दिली आहे.*
*या संदर्भात अखिल महाराष्ट्र प्राथमिक शिक्षक संघ या आंदोलनात पूर्ण ताकदीने सहभागी होत आहे, याचे अधिकृत पत्र यापूर्वीच आपणास निर्गमित करण्यात आले आहे.*
*आंदोलनात सहभाग:* आपल्या जिल्ह्यातील स्थानिक नियोजनानुसार सर्व पदाधिकारी आणि शिक्षकांनी या आंदोलनात उत्स्फूर्तपणे व सक्रिय सहभागी व्हावे.
*आंदोलनाचे स्वरूप:* शासनाचे सध्याचे धोरण हे शाळा आणि शिक्षण विरोधी आहे. सरकारी शाळा वाचवण्यासाठी आणि शिक्षकांवरील अन्यायाचा तीव्र निषेध करण्यासाठी जिल्हाधिकारी कार्यालयावर भव्य मोर्चा / धरणे आंदोलन आयोजित करून आपला रोष व्यक्त करावा.
*आवाहन*
जिल्हा, तालुका आणि केंद्र पातळीवरील प्रत्येक शिक्षकांपर्यंत हा संदेश पोहोचवून आंदोलन शंभर टक्के यशस्वी करावे.
📢 "सरकारी शाळा वाचवण्यासाठी आणि आपल्या हक्कांच्या रक्षणासाठी सर्वांनी एकत्र या, ९ जुलैचे आंदोलन यशस्वी करा!"
आपले नम्र,
(अध्यक्ष / सरचिटणीस)
*अखिल महाराष्ट्र प्राथमिक शिक्षक संघ*
No comments:
Post a Comment