TET प्रश्नी लक्षवेधी आंदोलन करणार

 

*संघशक्ती युगे युगे!!*

▪️▪️▪️▪️▪️▪️

*🟣टिईटी प्रश्नी लक्षवेधी आंदोलन करणार..*🟣

*🟥अखिल महाराष्ट्र प्राथमिक शिक्षक संघाच्या कार्यकारी मंडळाचा निर्णय*

▪️▪️▪️▪️▪️▪️▪️▪️

*☸️अखिल महाराष्ट्र प्राथमिक शिक्षक संघाच्या कार्यकारी मंडळाची आँनलाइन सभा रविवार दि.२१जून रोजी राज्य अध्यक्ष श्री.देविदास बस्वदे यांच्या अध्यक्षतेखाली संपन्न झाली.टिईटी न्यायालयीन निर्णयाने उद्भवलेल्या सेवारत शिक्षकांच्या सेवा व पदोन्नती प्रश्नी चर्चा होऊन संघटनेने "लक्षवेधी "आंदोलन  करण्याचा निर्णय घेतला आहे .*

*याबाबत अखिल भारतीय प्राथमिक शिक्षक संघाने घेतलेल्या निर्णयानुसार भारतातील २४ राज्यात हे आंदोलन होणार आहे .*

 *📍अखिल भारतीय प्राथमिक शिक्षक संघाने'  देशाचे शिक्षणमंत्री मा.धर्मेद्र प्रधान, एनसीटीई चे अध्यक्ष तसेच विविध मंत्री यांची भेट घेवून निवेदन दिले .तसेच टिईटी प्रश्नी पुन्हा आंदोलनाची हाक दिली.सन २०१० पुर्वीच्या शिक्षकांना टिईटी  तून सवलत मिळावी यासाठी संसदेत कायद्यात दुरुस्ती करावी यासाठी जिल्हा/राज्य तसेच देशस्तरापर्यत आंदोलन करण्याचे ठरले आहे.त्याप्रमाणे राज्यात टिईटी प्रश्नी लक्षवेधी आंदोलन करण्याचे ठरले.*

*🟣आंदोलनाचे स्वरुप*

 *टीईटी बाबत  करावयाच्या आंदोलनाची दिशा  ठरवण्यात आली.*

 *🟣जुलै पहिल्या आठवड्यापर्यत मा.राज्य सभा व लोकसभेचे खासदार यांना निवेदनदेणे व शिक्षकांच्या प्रश्नी संसदेत आवाज उठविण्याचे आवाहन करणे.*

*🟣विधान सभा /विधानपरिषद सदस्य यांना निवेदन देणे सेवारत शिक्षकांना टिईटी गुणात सवलत, विभागीय परिक्षेचे आयोजन, परिक्षेची काठिण्य पातळी कमी करणे याबाबत पावसाळी अधिवेशनात चर्चा करून निर्णय घेणेबाबत विनंती करणे.*

*🟣धरणे आंदोलन:११जुलै रोजी सर्व जिल्हाधिकारी कार्यालया समोर धरणे आंदोलन करून जिल्हाधिकारी यांचे मार्फत मा. महामहीम राष्ट्रपती, मा.पंतप्रधान , मा.शिक्षणमंत्री व राज्याचे मुख्यमंत्री यांना निवेदन देण्यात येईल.*

▪️▪️▪️▪️▪️▪️▪️▪️▪️

*सदर सभेस सर्व राज्य संघ पदाधिकारी जिल्हा संघ अध्यक्ष व सरचिटणीस उपस्थित होते.*

▪️▪️▪️▪️▪️▪️▪️▪️▪️

*अखिल महाराष्ट्र प्राथमिक शिक्षक संघ*

जनगणना संदर्भात निवेदन...

अखिल सातारा शिक्षक संघाच्या वतीने जनगणनेसंबंधाने जिल्हाधिका-यांना निवेदन....

         सध्या सुरु असलेल्या भारताची जनगणना २०२६ - २०२७ च्या अनुषंगाने अखिल सातारा जिल्हा प्राथमिक शिक्षक संघाच्या वतीने मा.जिल्हाधिकारी सातारा यांना विविध मागण्यांचे निवेदन देण्यात आले.यामध्ये प्रामुख्याने जनगणनेच्या कर्तव्यावर असणा-या प्रगणक व पर्यवेक्षकांना माहे मे व जून महिन्याचा प्रवासभत्ता अदा करण्यात यावा.तसेच जनगणना कर्तव्यावर असताना एखाद्या कर्मचा-याचा अपघात झाल्यास,अपघाती मृत्यू झाल्यास ₹ ५० लाखांचे विमा संरक्षण पूर्वलक्षी प्रभावाने देण्यात यावे,तसेच प्रगणक व पर्यवेक्षकांना किमान ६० दिवसांची अर्जित रजा सेवापुस्तकात जमा करावी,जनगणनेचे काम करत असताना प्रगणकांना काही अडचण निर्माण झाल्यास 'तात्काळ मदत कक्ष' निर्माण करावा व त्याचा संपर्क क्रमांक सर्व प्रगणक व पर्यवेक्षकांना देण्यात यावा तसेच जनगणनेचे राष्ट्रीय काम सुट्टीच्या काळात पूर्ण केल्याबद्दल सर्व प्रगणक व पर्यवेक्षकांना मा.जिल्हाधिकारी यांचे सहीचे प्रमाणपत्र देऊन गौरविण्यात यावे.अशा विविध मागण्यांचे निवेदन सन्माननीय जिल्हाधिकारी यांचे वतीने निवासी उपजिल्हाधिकारी मा.नागेश पाटील यांनी स्वीकारले व सर्व मागण्या जाणून घेऊन त्यावर सकारात्मक विचार करण्याचे आश्वासन दिले.

      यावेळी अखिल महाराष्ट्र प्राथमिक शिक्षक संघाचे राज्य उपाध्यक्ष तथा पुणे विभाग प्रमुख दीपक भुजबळ, राज्य संघटक संतोष लोहार, रजनी चव्हाण ,अखिल सातारा प्राथमिक शिक्षक संघाचे अध्यक्ष गणेश जाधव,सरचिटणीस बसवराज दोडमणी उपाध्यक्ष विजयकुमार भुजबळ, सुशांत येवले,उपसरचिटणीस उद्धव पवार, कार्याध्यक्ष कृष्णात हिरवळे, महिला आघाडी प्रमुख प्रणिता देवकर, प्राथमिक शिक्षक सहकारी बँकेचे माजी व्हॉइस चेअरमन तथा विद्यमान संचालक संजीवन जगदाळे,कराड पाटण सोसायटीचे संचालक संतोष यादव,

पाटणचे शिक्षक नेते राजू पवार आदी शिक्षक उपस्थित होते.