ग्रामविकासमंत्री यांची शिक्षकांच्या प्रश्ना संदर्भात बैठकसंपन्न

 जय अखिल..

*ग्रामविकासमंत्री यांची शिक्षकांच्या प्रश्ना संदर्भात  बैठकसंपन्न..*

▪️▪️▪️▪️▪️▪️▪️▪️▪️

*🔴राज्याचे ग्रामविकास मंत्री मा. नामदार श्री. जयकुमार भाऊ गोरे यांच्या उपस्थितीत राज्यातील जिल्हा परिषदेच्या शिक्षकांच्या विविध मागण्यांवर बैठक आयोजित करण्यात आली होती .* 

*यावेळी खालील मुद्दे वर चर्चा झाली*

*१) जिल्हाअंतर्गत शिक्षक बदली प्रक्रीयेसाठी ३१ मे ऐवजी ३० जून ही तारीख ग्राह्य धरण्यात यावी- याबाबत महाराष्ट्र शासन बदली धोरण ३१ मे ही बदली दिनांक ग्राह्य धरलेला आहे.तरी संघटनांच्या विनंतीवरून ५३वर्ष वयासाठी ३०जून दिनांक धरण्याबाबत चर्चा झाली त्यास मंत्रीमहोदय यांनी अनुकुलता दाखवली आहे.*

 *२) सर्व प्रकारच्या पदोन्नती करणेबाबत-- या बदली प्रक्रियेपूर्वी विस्तार अधिकारी, केंद्रप्रमुख व मुख्याध्यापक या सर्व पदांची पदोन्नती प्रक्रिया पूर्ण करण्यात यावी . याबाबत चर्चा झाली त्यास सचिव यांनी तात्काळ सर्व जि.प यांना आदेशित करु असे सांगितले.*     

*३) दुर्धर व गंभीर आजार असणाऱ्या  पाल्यांच्या शिक्षक पालकांना जिल्हाअंतर्गत बदली प्रक्रियेमध्ये संवर्ग एकचा लाभ देण्यात यावा याबाबत चर्चा झाली .*

*४) सन २०१८ व सन २०२२ च्या अवघड क्षेत्राच्या यादीमध्ये समाविष्ट असलेले पण १८ जून २०२४ च्या शासन निर्णयामध्ये सोपेमध्ये समाविष्ट असलेल्या शाळेतील शिक्षकांना जिल्हा अंतर्गत बदली प्रक्रियेमध्ये सामावून घेण्यात येणार आहे.*

*मात्र अवघड क्षेत्रातील सेवा तीन वर्षे असणे आवश्यक आहे.*

*५) अंतरजिल्हा बदलीने आलेल्या शिक्षकांची सेवा जेष्ठता पूर्वीच्या जिल्ह्याची धरण्याबाबत सकारात्मक निर्णय झाला.*

*▶️६) पुणे जिल्ह्यातील मुख्याध्यापकांच्या रखडलेली पद्दोन्नती प्रक्रिया पूर्ण करून, रिक्त असलेल्या मुख्याध्यापकांच्या जागा तातडीने भरण्यात याव्यात याबाबत प्रश्न उपस्थित केला आमदार राहुल कुल यांनी उपस्थित केला.*

*७)यापूर्वी चे बदलीबाबत शासननिर्णय ,परिपत्रक अधिक्रमित झाले असून १८जून २०२४च्या शासननिर्णयाप्रमाणे बदली प्रक्रीया राबवली जाईल असे प्रधान सचिव यांनी स्पष्ट केले.*

*या सर्व मागण्यांबाबत सकारात्मक कार्यवाहीचे आश्वासन मा. मंत्रीमहोदयानी दिले.    यावेळी आमदार श्री.राहुल कुल, आमदार श्री. अभिमन्यू पवार, श्री. सत्यजीत तांबे, श्री. सुरेश धस, श्री. संजय केळकर, श्री. निरंजन डावखरे ग्रामविकास विभागाचे अपर मुख्य सचिव श्री एकनाथ डवले यांच्यासह*

*अखिल महाराष्ट्र प्राथमिक शिक्षक संघाचे अध्यक्ष श्री.देविदास बस्वदे ,सरचिटणीस कल्याण लवांडे, संयुक्त सचिव राजेंद्र निमसे,  शिक्षक बँक सातारा संचालक संजीवन जगदाळे,बंडू नागरगोजे सह विविध शिक्षक संघटनांचे प्रतिनिधी उपस्थित होते.*

▪️▪️▪️▪️▪️▪️▪️▪️▪️

*अखिल महाराष्ट्र प्राथमिक शिक्षक संघ*

संकलित मुल्यमापन चाचणी /PAT परिक्षा वेळापत्रकात बदल

 

 

संकलित मुल्यमापन चाचणी /PAT  परिक्षा वेळापत्रकात बदल करुन एप्रिल महिन्याच्या पहिल्या /दुसऱ्या आठवड्यात परिक्षा  घेणेबाबत मा.शिक्षण आयुक्त व संचालक एनसीईआरटी यांना निवेदन देण्यात आले....

अखिल महाराष्ट्र  प्राथमिक शिक्षक बंघ

आंतरराष्ट्रीय महिलादिन व सुलभाताई ...

 *विनम्र  अभिवादन*

🌸🌸🌸🌸🌸🌺🌺🌺

*अखिल महाराष्ट्र प्राथमिक शिक्षक संघाच्या नेत्या, अखिल भारतीय प्राथमिक शिक्षक संघाच्या वरीष्ठ उपाध्यक्ष, तसेच वुमन नेटवर्क च्या चेअरपर्सन, सार्क टिचर फेडरेशनच्या कोषाध्यक्ष आदरणीय स्वर्गीय सुलभाताई दोंदे यांची आज ८मार्च रोजी जयंती......*

    *आंतरराष्ट्रीय महिलादिन व सुलभाताई यांचा जन्मदिन एकाच दिवशी.. हा नुसता योगायोगच नव्हता तर हजारो महिला आज शिक्षकांच्या चळवळीत ताईंच्या प्रेरणेने विविध पदे भुषवतात.... जो काळ संघटनेत चार दोन महिला भगीनी सक्रिय काम करत अशा काळात ताईंनी संघटन चळवळीत कामास सुरुवात केली.*

   *एक अतिशय अभ्यासू, शिक्षकांच्या प्रश्नांची जाण असणारे व सर्वसामान्य शिक्षकाला अतिशय सन्मान व प्रेम देणा-या ताई म्हणून त्या केवळ महाराष्ट्र नाही तर देशभरातील शिक्षकांच्या ताई झाल्या...*

 *त्याग करीत राहिले की जीवनास मोल प्राप्त होते ही दोंदे घराण्याची शिकवण ताईंच्या अ़ंगवळणी पडली होती...*

*स्वतःची लढाई लढून त्यांनी स्वतः चं अस्तित्व तयार केलं होतं ....म्हणून पदं त्यांना कर्तृत्वावर मिळत गेली....आपल्या बुद्धीमत्तेच्या जोरावर आंतरराष्ट्रीय संघटनेत त्यांनी आपले स्थान निर्माण केले होते....*

*भाई साहेबाच्या निधनानंतर आभाळभर दु:खातून त्या तितक्याच हिमतीने उभ्या राहिल्या ...कधी शौर्याची ढाल कधी उबदार शाल बनून शिक्षकांच्या पाठीशी उभ्या राहिल्या.....*

*अतिशय हळव्या , तितक्याच प्रेमळ, प्रसंगी तितक्याच कठोर अशा वेगवेगळ्या स्वभाव छटा त्याच्या व्यक्तीमत्वात होत्या म्हणून प्रत्येकाच्या मनात एक आदरयुक्त दरारा त्याच्या विषयी नेहमीच राहिला.*

   *आज आंतरराष्ट्रीय महिला दिन ताईंच्या अभिनंदना शिवाय साजरा करताना मनोमन दुःख होत आहे...*

* त्याच्या जयंतीनिमित्त अखिल महाराष्ट्र प्राथमिक शिक्षक संघ व तमाम संघ सैनिकांकडूनविनम्र अभिवादन ....👏🏻👏🏻*

*तु नारी, तु घे भरारी* 

*व्यापुन टाक क्षितिजे सारी!* 

*प्रत्येक क्षेत्रात स्वतःच्या कर्तृत्वाचा ठसा उमठवत, परिस्थितीला निर्धाराने सामोरे जात, स्वतःचं अस्तित्व सिद्ध करणाऱ्या माझ्या सर्व महिला भगिनींना जागतिक महिला दिनाच्या हार्दिक शुभेच्छा!*

💐💐💐💐💐💐💐

*अखिल महाराष्ट्र प्राथमिक शिक्षक संघ*

प्राथमिक शिक्षक मध्यवर्ती संघटनेची मा.शिक्षण आयुक्त व एससीईआर टी चे संचालक यांचे समवेत चर्चा

 

*🟠प्राथमिक शिक्षक मध्यवर्ती संघटनेची मा.शिक्षण आयुक्त व एससीईआर टी चे संचालक यांचे समवेत चर्चा...🔴*

▪️▪️▪️▪️▪️▪️▪️▪️▪️▪️▪️

*पुणे-प्राथमिक शिक्षक मध्यवर्ती संघटना महाराष्ट्र राज्य यांचे शिष्टमंडळाने राज्याचे शिक्षण आयुक्त मा.श्री.सचिंद्र प्रताप सिंह व महाराष्ट्र राज्य शैक्षणिक संशोधन व प्रशिक्षण संस्था पुणे चे संचालक मा.श्री.राहुल रेखावार साहेब यांचे समवेत दि.१०मार्च रोजी विविध विषयी चर्चा करून निवेदन दिले.्*

*🟡१)संचमान्यतेत अनेक पदवीधर पदे कमी होत असलेबाबत- संचमान्यतेच्या नवीन निकषाप्रमाणे विशेषतः ग्रामीण भागातील ६ते ८वर्गांना शिकवीणारे हजारो शिक्षकांची पदे अतिरिक्त होणार असून या वर्गाना शिक्षक न राहिल्याने वरचे वर्ग बंद होतील ही बाब निदर्शनास आणून दिली.*

*तसेच माध्यमिक शाळेला १०० विद्यार्थी संख्येवर मुख्याध्यापक पद आहे मात्र प्राथमिक शाळेला १५०ची अट आहे.*

*यावर मा.आयुक्त साहेब यांनी याबाबत विस्तृत अहवाल शिक्षण विभागास पाठवला जाईल व पदवीधर व मुख्याध्यापक पदास संरक्षण दिले जाईल असे सांगितले.मुख्याध्यापक पदाबाबत मी स्वतः आग्रहीआहे असे ते म्हणाले*

*२)आधार नसलेल्या विद्यार्थ्याबाबत-आधार नसलेले विद्यार्थी संचमान्यतेत ग्राह् धरणेबाबत-या विद्यार्थ्याबाबत स्पष्ट सूचना देण्यात ल्या असून, ज्या विद्यार्थ्यांना आधार कार्ड नाहीत त्यासाठी मुख्याध्यापक पत्रावर किंवा बोनाफाईडवर परवानगी द्यावी याबाबत विचार करु असेही यावेळी सांगितले.*

*🟠३)पदोन्नतीची प्रक्रिया वर्षातून दोनदा राबविण्याबाबत प्रत्येक जिल्ह्यास निर्देश देणे-राज्यात विस्तार अधिकारी, केंद्रप्रमुख, मुख्याध्यापक यांची अनेक पदे रिक्त राहातात .याबाबत अनेक जिल्हा प्रशासन औदासिन्य दाखवले जाते.याचा गुणवत्तापूर्ण शिक्षणावरही परिणाम होतो. त्यामुळे पदोन्नती राबवावी.*

*याबाबत राज्याचा मुख्याध्यापक रीक्त पदाचा आढावा घेवून पत्र देण्यात येईल.केंद्रप्रमुख पदोन्नती न्यायालयीन पक्रीयेत आहे.त्याबाबत ही १०/१५ दिवसात धोरणात्मक निर्णय अपेक्षित आहे.*

*🔴४)परिक्षा १८एप्रिल पर्यंत घेणे-याबाबत१८,तारखेपर्यत घेणेबाबत चर्चा झाली .याबाबत बोलताना मा.रेखावार साहेब बोलताना म्हटले की, अनेक शाळा परीक्षेनंतर शाळांना सुट्टी देतात त्यामुळे विद्यार्थ्या अध्यापनाचे तास पुर्ण होत नाही.*

*याबाबत सकारात्मक मार्ग काढू असे शिक्षण आयुक्त साहेबांनी सांगितले.तसेच पेपर संपल्यानंतर त्या दिवशी विद्यार्थ्यांना सुट्टी देवून उर्वरित वेळेत शिक्षकांनी परिक्षाविषयक कामे करावी अशी लेखी पत्र काढण्यात येईल असे सांगितले.*

*⏺️५)शिक्षक प्रश्नांसाठी संघटनांना अधिकृत वेळ-शिक्षकांच्या अडीअडचणी निराकरण करण्यासाठी दुसऱ्या शनिवारी दुपारी आँफलाइन बैठक व दुरवरच्या पदाधिकारी यांचेसाठी  व्हिसीद्वारे  संवाद साधला जाईल व प्रश्न सोडवले जातील असे आश्वासन मा.शिक्षण आयुक्त यांनी दिले.*

*MDM ची अवास्तव माहिती दररोज भरावी लागत असल्याचे निदर्शनास आणून दिल्यानंतर या बाबत लवकरच सॉफ्टवेअर डेव्हलप करीत असून एका क्लिवर  माहिती भरली जाणार असून,दैनंदिन आँफलाइन माहिती भरावी लागणार नाही,त्यामुळे  शिक्षकांचा कामाचा ताण कमी करणार असल्याचे माननीय शिक्षण आयुक्तांनी सांगितले.*

*अतिशय सकारात्मक चर्चा झाली .गुणवत्तापूर्ण शिक्षणासाठी संघटना प्रशासनासोबत असून असरच्या बाबी आपण सर्व कृतीतून व शैक्षणिक गुणवत्तेच्या आधारे दाखवून देवू असे पदाधिकारी यांनी सांगितले.*

▪️▪️▪️▪️▪️▪️▪️▪️▪️

*यावेळी मध्यवर्ती संघटनेचे अध्यक्ष माननीय केशवराव जाधव सरचिटणीस श्री राजेश सुर्वे, पदवीधर संघटनेचे सरचिटणीस मनोज मराठे, अखिल संघाचे सरचिटणीस श्री.कल्याण लवांडे आदि उपस्थित होते. .*

संच मान्यतेचे जुनेच निकष ठेवण्याची मागणी. अखिल सातारा प्राथमिक संघाची आक्रमक भूमिका

 

राज्यात अनेक शाळा शिक्षकाविना

संचमान्यतेच्या नव्या आदेशाचा फटका :अखिल महाराष्ट्र शिक्षक संघ आंदोलनाच्या पवित्र्यात...

  राज्याच्या शिक्षण संचालकांनी केलेल्या  नव्या संचमान्यतेनुसार प्राथमिक शाळांतील हजारो विषय शिक्षक अतिरिक्त होत आहेत. 

यामुळे सरकारी शाळावर मोठे संकट आले आहे.त्यामुळे शिक्षण क्षेत्रात  मोठी खळबळ उडाली आहे . 

शालेय शिक्षण विभागाने १५ मार्च २०२४ रोजी काढलेल्या संचमान्यतेच्या सुधारित आदेशानुसार राज्याच्या शिक्षण संचालकांनी २०२४-२५ या वर्षाची संचमान्यता अंतिम करण्यापूर्वी शिक्षणाधिकारी यांच्या लॉगिनला तपासणीसाठी उपलब्ध करून दिली असून,  या संचमान्यतेनुसार २० पेक्षा कमी पट असलेल्या सहावी ते आठवीच्या वर्गांना शून्य शिक्षक दाखविले आहेत. त्यामुळे या वर्गासाठी अध्यापन करणारे हजारो विषय शिक्षक राज्यात अतिरिक्त होणार आहेत. संच मान्यतेच्या सुधारित आदेशाला विरोध करण्यासाठी अखिल महाराष्ट्र प्राथमिक शिक्षक संघाने राज्याचे शिक्षणमंत्री , शिक्षण सचिव आदिना निवेदन देवून संचमान्यते दुरुस्ती करण्याची मागणी केली .संघटना  आंदोलनाच्या पावित्र्यात असून,प्रसंगी न्यायालयात याचिका दाखल करण्याचा इशारा  देण्यात आला आहे.

संचमान्यतेच्या नवीन आदेशानुसार पूर्वी ६१ विद्यार्थी संख्येला तीन शिक्षक

पदे मंजूर होती. आता ७६ विद्यार्थी संख्येची अट ठेवली आहे. ९१ विद्यार्थी संख्येला चार शिक्षक मंजूर होते. आता १०६ विद्यार्थी संख्या लागणार आहे. त्यामुळे ग्रामीण भागातील पहिली ते पाचवीच्या वर्गांना अध्यापन करणारे शिक्षकांना विद्यार्थी संख्येचा फटका बसणार आहे.

शिक्षण अधिकार कायद्याचे उल्लंघन या संच मान्यतेत होत असल्याचा आरोप केला असून

सदरील संचमान्यतेचा आदेश रद्द करुन संचमान्यतेचे जुनेच निकष कायम ठेवण्याची मागणी......... निवेदनाद्वारे अखिल भारतीय प्राथमिक शिक्षक संघाचे जनरल कौन्सिल मेंबर दीपक जी भुजबळ 

राज्य संघटक संतोष लोहार, अखिल सातारा प्राथमिक शिक्षणाचे अध्यक्ष गणेश जाधव सरचिटणीस विजय भुजबळ उपाध्यक्ष रवींद्र लटिंगे, कृष्णत हिरवळे, उद्धव पवार, सुशांत येवले, महिला  आघाडी प्रमुख प्रणिता देवकर इत्यादींनी निवेदनाद्वारे आदेश रद्द करून संच मान्यतेचे जुनेच निकष ठेवण्याची मागणी केली आहे..

सातारा जिल्हा परिषद कर्मचारी क्रीडा स्पर्धा 2024

 

*सातारा जिल्हा परिषद कर्मचाऱ्यांच्या क्रीडा स्पर्धा स्पर्धांचा उद्घाटन सोहळा छत्रपती शाहू स्टेडियम सातारा येथे संपन्न झाला. महाराष्ट्र राज्याचे ग्रामविकास मंत्री व सातारा जिल्ह्याचे सुपुत्र मा.ना. जयकुमार गोरे (भाऊ) तसेच सातारा जिल्हा भाजपचे जिल्हाध्यक्ष मा. धैर्यशील पाटील व मुख्य कार्यकारी अधिकारी मा.याशनी नागराजन यांच्या प्रमुख उपस्थितीत या दिमाखदार सोहळ्याचे उद्घाटन झाले.* 

*सातारा जिल्हा परिषद कर्मचाऱ्यांच्या क्रीडा स्पर्धा स्पर्धांचा उद्घाटन सोहळा छत्रपती शाहू स्टेडियम सातारा येथे संपन्न झाला. महाराष्ट्र राज्याचे ग्रामविकास मंत्री व सातारा जिल्ह्याचे सुपुत्र मा.ना. जयकुमार गोरे (भाऊ) तसेच सातारा जिल्हा भाजपचे जिल्हाध्यक्ष मा. धैर्यशील पाटील व मुख्य कार्यकारी अधिकारी मा.याशनी नागराजन यांच्या प्रमुख उपस्थितीत या दिमाखदार सोहळ्याचे उद्घाटन झाले.*

*सुरुवातीलाच सर्व तालुक्यातील खेळाडू टीमने संचलन करून उपस्थितांची मने जिंकली त्यानंतर सर्व तालुक्यांनी आकर्षक चित्ररथ प्रदर्शित केले त्यामध्ये कोरेगाव तालुक्याच्या चित्ररथाची धुरा शिक्षण विभागाकडे होती कोरेगाव तालुक्याने "भारताची लोकधारा"- विविधतेतून एकता उत्कृष्ट नृत्याविष्कार करून सादर केली ग्रामविकास मंत्री मा.जयकुमार गोरे व सर्वच मान्यवरांनी सदर कार्यक्रमाचे कौतुक केले तसेच माननीय ना.जयकुमार गोरे यांनी पुढील वर्षापासून शासकीय कर्मचाऱ्यांच्या क्रीडा स्पर्धा विभाग स्तरावर व राज्यस्तरावर घेतल्या जातील अशी घोषणा केली.*

*चित्ररथ सादर करण्याची संधी शिक्षण विभागाला दिल्याबद्दल गटविकास अधिकारी मा.सुप्रिया चव्हाण यांचे मनःपूर्वक आभार ..!!*

*सुरुवातीलाच सर्व तालुक्यातील खेळाडू टीमने संचलन करून उपस्थितांची मने जिंकली त्यानंतर सर्व तालुक्यांनी आकर्षक चित्ररथ प्रदर्शित केले त्यामध्ये कोरेगाव तालुक्याच्या चित्ररथाची धुरा शिक्षण विभागाकडे होती कोरेगाव तालुक्याने "भारताची लोकधारा"- विविधतेतून एकता उत्कृष्ट नृत्याविष्कार करून सादर केली ग्रामविकास मंत्री मा.जयकुमार गोरे व सर्वच मान्यवरांनी सदर कार्यक्रमाचे कौतुक केले तसेच माननीय ना.जयकुमार गोरे यांनी पुढील वर्षापासून शासकीय कर्मचाऱ्यांच्या क्रीडा स्पर्धा विभाग स्तरावर व राज्यस्तरावर घेतल्या जातील अशी घोषणा केली.*

*चित्ररथ सादर करण्याची संधी शिक्षण विभागाला दिल्याबद्दल गटविकास अधिकारी मा.सुप्रिया चव्हाण यांचे मनःपूर्वक आभार ..!!*

अखिल भारतीय प्राथमिक शिक्षक संघाचा 71 वा वर्धापन दिन,

 

🔰🔰🔰🔰🔰🔰🔰🔰🔰🔰

*अखिल भारतीय प्राथमिक शिक्षक संघाचा 71 वा वर्धापन दिन....*🙏

🔹🔹🔹🔹🔹🔹🔹🔹🔹🔹🔹

 *अखिल भारतीय प्राथमिक शिक्षक संघाची ७जानेवारी १९५४ रोजी भारताचे तत्कालीन पंतप्रधान मा.श्री. पंडीत नेहरू यांच्या उपस्थितीत अधिवेशन घेऊन आचार्य कै.दादासाहेब दोंदे यांनी स्थापना केली....*

 *म्हणून ७ जानेवारी शिक्षकसंघटना वर्धापन दिन म्हणून सर्वत्र साजरा केला जातो..*

🥀🥀🥀🥀🥀🥀🥀🥀🥀

🔵 *संघटनेचा इतिहास:अखिल महाराष्ट्र प्राथमिक शिक्षक संघ ही महाराष्ट्रातील सर्वात जुनी शिक्षक संघटना १९१०साली स्थापना झाली .त्याकाळी स्वातंत्र् चळवळ उभारणे हा एकमेव हेतूहोता मुंबई इलाखा प्राथमिकशिक्षक संघ नावाने संघटनेची स्थापना झाली,,,,सन 1945 ला मुंबई राज्य प्राथमिक शिक्षक संघ अशी पुर्नरचना करण्यात आली,व पहिंले अधिवेशन पुणे येथे घेण्यात आले ,अध्यक्ष स्थानी आचार्य दादासाहेब उर्फ मो.वा.दोंदे हे होते. पहिली मागणी शिक्षकांचा पगार १५ रु.वरुन ३० रु.करणे ४५दिवसाच्या संपानंतर मागणी मंजूर झाली.कर्मवीर भाऊराव पाटील, आचार्य अत्रे यांची साथ संपाला लाभली. ७ जानेवारी १९५४ला अखिल भारतीय प्राथमिक शिक्षक संघाची स्थापना नागपूर येथे तत्कालीन पंतप्रधान पं.जवाहरलाल नेहरु यांच्या उपस्थितीत झाली.स्वागताध्यक्ष भारताचे पहिले कृषीमंत्री मा.डॉ. पंजाबराव देशमुख होते.तेव्हापासून दर दोन वर्षाला संघटनेचे राष्ट्रीय अधिवेशन होते.सन १९६०ला महाराष्ट्र राज्य प्राथमिक शिक्षक संघ या नावाने महाराष्टात संघटनेच नामकरण झालं .सन १९६४ला आचार्य दादासाहेब दोंदे यांच्या निधना नंतर मा.अरुणभाई दोंदे यांच्याकडे संघटनेचे अध्यक्षपद आले त्यांनी प्राथमिक शिक्षकाला सन १९६६ला बडकस आयोग ,१९६७ला प्राथमिक शिक्षकांच्या मुलांना मोफत शिक्षण .शिक्षकांना फँमीली पेन्शन योजना जी की २००५ पर्यत चालू होती.सन१९८४ साली फक्त शिक्षकांसाठी चटोपाध्याय आयोग ही कै.अरुण दोंदेच्या कार्याची प्रचीती सर्व देशाने अनुभवली .सन १९७७ ला विक्रोली (मुंबई) येथे अखिल भारतीय अधिवेशनाच्या वेळी संघटनेत फूट पाडली आणि प्राथमिक शिक्षकांची महाराष्ट्रातील एकजूट विभागली गेली. महाराष्ट्रातील शिक्षकांचे कधीही भरुन न निघणारे नुकसान झाले.आज त्याचेही कीती शकलं झाली हे सर्व महाराष्ट्रातील शिक्षक पाहात आहे..भाईसाहेब दोंदेना राज्यपाल नियुक्त विधान परिषदेवर आमदारकीही मिळाली तो त्यांचा सन्मान ठरला,तसेच काँग्रेस पक्षाचे प्रतोद म्हणून त्यांनी काम केले.सन १९८२ ला अखिल भारतीय प्राथमिक शिक्षक संघ श्री अरुणभाई दोंदेच्या कार्यकालात जागतिक शिक्षक संघास संलग्न झाला.संपूर्ण जगात १६७ देशात त्याचे काम चालते ..२००१ भाईसाहेबांच्या निधनानंतर या महाराष्ट्राचं नेतृत्व श्रीमती.सुलभाताई दोंदे यांनी केलं.अखिल भारतीय प्राथमिक शिक्षक संघाच्या वरीष्ठ उपाध्यक्षा. तसेच अखिल भारतीय प्राथमिक शिक्षक संघाच्या women network च्या चेअर पर्सन..म्हणून त्यांनी काम केलं .शिक्षिकांना संघटन चळवळीत पुढे आणण्याचे काम त्यांनी केले आहे.*

*वेतन आयोगापुढे आज पर्यत फक्त अखिल भारतीय प्राथमिक शिक्षक संघ साक्ष देत आला.तो सातव्या वेतन आयोगापर्यत..नवे.शैक्षणिक धोरण, प्राथमिक शिक्षणासाठी राष्ट्रीय आयोग या मागण्या केंद्र शासनाकडून मान्य करून घेतल्या आहेत.जुन्या पेन्शन साठी निरंतर संघर्ष चालू आहे.२१ ते २७ फेब्रुवारी २०२० ला देशव्यापी धरणे आंदोलन केले आहे. भविष्यात लढाई चालू राहिल..*

 *शैक्षणिक गुणवत्तेसाठी संघ आग्रही आहे.खाजगीकरणाला विरोध करतो आहे.*

 *महाराष्ट्रात अखिल महाराष्ट्र प्राथमिक शिक्षक संघाचे कार्य कौतुकास्पद आहे.आंतरजिल्हा बदली लढा, कोरोनाचा वैद्यकीय प्रतिपुर्ती त समावेश , हे काम अखिलचं यश आहे.शिक्षणसेवकांचे मानधन वाढवणे, विना अट निवडश्रेणी, शिक्षकांना कँशलेस मेडीकल सुविधा, याबरोबरच अनेक प्रश्नांबाबत लढा सुरू आहे.*

     *संपूर्ण भारतात आज ७ जानेवारी शिक्षक संघटना दिन म्हणून साजरा होतो.*

  *महाराष्ट्रातील तमाम शिक्षकांना आज शिक्षक संघटना वर्धापन दिनाच्या हार्दिक शुभेच्छा....*

🙏🙏🙏🙏🙏🙏🙏🙏🙏🙏

अध्यक्ष

गणेश जाधव

सरचिटणीस

 विजयकुमार भुजबळ

  दिपक भुजबळ

राज्य उपाध्यक्ष 

ज्येष्ठ  नेते

*अखिल सातारा जिल्हा प्राथमिक शिक्षक संघ*