टिईटी प्रश्नी TET शासनाचे लक्ष वेधणार.

 

*🟣टिईटी प्रश्नी  शासनाचे लक्ष वेधणार....*

*🟠अखिल भारतीय प्राथमिक शिक्षक संघ देशाचे पंतप्रधान व शिक्षणमंत्री यांना देणार सामुहिक निवेदन...*

**************************************

 *शिक्षकांना नोकरीत सातत्य टिकविण्यासाठी व पदोन्नती साठी यापुढे टिईटी परिक्षा पास होणे अनिवार्य असणार आहे.१ सप्टेंबर रोजी मा.सर्वोच्च न्यायालयाने दिलेल्या निर्णयाचे दुरगामी परीणाम शिक्षण क्षेत्रावर होणार आहेत.शिक्षकांना सक्तीने सेवानिवृत्त व्हावे लागणार आहे. यासाठी अखिल भारतीय प्राथमिक शिक्षक संघाने भारताचे मा. पंतप्रधान व मा.शिक्षणमंत्री यांना जिल्हाधिकारी मार्फत दि.१९/२० सप्टेंबर या दिवशी निवेदन देवून या प्रश्नी तोडगा काढण्याची विनंती करण्यात येणार आहे .*

*तसेच ३ ते १०आँक्टोबर या कालावधीत देशातील सर्व लोकसभा /राज्य सभा सदस्य यांना निवेदन देवून सन २०११ पुर्वी नियुक्त कोणत्याही शिक्षकांना टिईटी सक्ती करू नये या बाबत सुधारणा करणेबाबत विनंती करणार आहेत.अखिल भारतीय प्राथमिक शिक्षक संघ या निर्णयास स्थगिती मिळवण्यासाठी अथवा निर्णयाचा पुनर्विचार करण्यासाठी सर्वोच्च न्यायालयात याचिका दाखल करून न्यायालयीन लढा सुद्धा लढणार आहे. याबाबत अखिल भारतीय प्राथमिक शिक्षक संघाचे अध्यक्ष श्री.बसवराज गुर्रीकर व महासचिव कमलाकांत त्रिपाठी यांनी पत्राद्वारे कळविले आहे.*

*यासाठी अखिल महाराष्ट्र प्राथमिक शिक्षक संघाच्या सर्व जिल्हा शाखांना कळविण्यात येते की, अखिल भारतीय प्राथमिक शिक्षक संघाच्या आवाहना नुसार दि.१९/२०सप्टेंबर २०२५ रोजी या  दिवशी  आपण जिल्हाधिकारी साहेब यांचे मार्फत मा.पंतप्रधान व मा.शिक्षणमंत्री यांना निवेदन द्यावे असे राज्य अध्यक्ष देविदास बस्वदे ,सरचिटणीस कल्याण लवांडे, सल्लागार-प्रकाश दळवी, सुरेश भावसार, विश्वनाथ सुर्यवंशी ,  कार्याध्यक्ष आण्णाजी आडे, वरीष्ठ उपाध्यक्ष किरण पाटील ,कोषाध्यक्ष- विनयश्री पेडणेकर* 

*विभाग प्रमुख-प्रमोद पाटील ,दीपक भुजबळ भगवान पाटील, दिगंबर जगताप ,सुनील हाके ,केशव बुरडे उपाध्यक्ष- म.ल .देसाई ,लालासाहेब मगर ,हरिदास घोगरे, अनिल महाजन ,शिवानंद सहारकर, विजय मनवर, परमेश्वर बालकुंदे, व्ही.डी. देशमुख,एफ आय बेग* *उपसरचिटणीस-महेश देशमुख, संध्या ठाकरे,*

*संयुक्त सचिव-रविंद्र काकडे,कृष्णा चिकणे,प्रशांत पारकर,सौ. माया चाफले, राजेंद्र निमसे,रमेश सुर्यवंशी,* 

*दिलीप देवकांबळे,सौ.संगीता पागृत,सौ. शुभांगी कचरे,विलास आळे, स्वप्नील राणे, किशोर मोहिते*

*संघटक- राजा कविटकर,सौ. पद्मशाली डी. एम. बाळासाहेब कदम,शांताराम पाटील, सौ. कांचन कडू,गुरुदास कुबल,जयवंत काळे,आशाताई झिल्पे, विजय पंडित,किशोर चौधरी, संतोष लोहार,सौ. ज्योती कुर्डूणकर,सौ. सविता पिसे*

*हिशोब तपासणीस :शिवाजीराव वाळके,लोकेश गायकवाड,*

*महिला विभाग प्रमुख : उर्मिला बोंडे,*

*संयोजिकाःरंजना केणी यांनी आवाहन केले आहे.*

वरिष्ठ निवड श्रेणी प्रशिक्षण संदर्भात अखिल महाराष्ट्र प्राथमिक शिक्षक संघ यांचे निवेदन..

 

वरिष्ठ निवड श्रेणी प्रशिक्षण संदर्भात अखिल महाराष्ट्र प्राथमिक शिक्षक संघ यांचे निवेदन..
 

अखिल महाराष्ट्र प्राथमिक शिक्षक संघ रत्नागिरी अधिवेशन

 

🌀🌀🌀🌀🌀🌀

    माननीय नामदार पालकमंत्री उदयजी सामंत साहेब  यांनी अखिल महाराष्ट्र प्राथमिक शिक्षक संघाच्या जिल्हा अधिवेशनामध्ये आश्वासन दिल्याप्रमाणे मुख्य कार्यकारी अधिकारी व शिक्षणाधिकारी यांच्यासमवेत रत्नागिरी जिल्हा परिषद या ठिकाणी सर्व प्राथमिक शिक्षक संघटना यांची शिक्षकांच्या जिल्हास्तर व राज्यस्तरावरील विविध प्रलंबित प्रश्नांच्या अनुषंगाने आज बैठक घेतली .त्या बैठकीत झालेले विषय व चर्चा पुढीलप्रमाणे

*️⃣  पालकमंत्री महोदय यांनी प्राथमिक शिक्षकांच्या विविध प्रलंबित प्रश्नांच्या अनुषंगाने बैठक आयोजित केल्याबद्दल  व 2 मे पासून उन्हाळी सुट्टी लागू करण्याचे दिलेले आश्वासन पूर्ण केल्याबद्दल सर्व संघटना यांच्या वतीन त्यांचा सन्मान करण्यात आला.

*️⃣ आदर्श पुरस्कार प्राप्त शिक्षकांना वेतन वाढ देण्यासाठी माननीय शिक्षण संचालक महोदय यांच्याशी चर्चा करून व जिल्हा परिषद उत्पन्नातून एक विशिष्ट योजना तयार करून वेतन वाढ देता येईल का ते पहावे व हा प्रश्न सोडवावा अशा सूचना पालकमंत्री महोदय यांनी मुख्य कार्यकारी अधिकारी व शिक्षणाधिकारी  यांना दिल्या.

*️⃣ तीन वर्ष कालावधी पेक्षा जास्त कालावधी ज्या प्रभारी गटशिक्षणाधिकारी यांच्याकडे आहे त्यांचा पदभार रोटेशनने  दुसऱ्या विस्तार अधिकारी यांच्याकडे देण्यात द्यावा अशा सूचना पालकमंत्री महोदय यांनी दिल्या.

*️⃣ केंद्रप्रमुख पदोन्नती प्रक्रिया न्यायालयात प्रविष्ट असल्याने न्यायालयीन प्रक्रिया लवकरात लवकर पूर्ण करून केंद्रप्रमुख पदोन्नती पूर्ण करावी अशा सूचना देण्यात आल्या.

*️⃣ नगरपालिका नगरपरिषद महानगरपालिका येथे बदलीने जाणाऱ्या शिक्षकांना ऑफलाइन एनओसी  देण्याची प्रक्रिया आजपासून सुरू केल्याची माहिती मुख्य कार्यकारी अधिकारी मॅडम यांनी दिली.

*️⃣ शिक्षकांना क्यू आर कोड असलेले डिजिटल आयकार्ड उपलब्ध करून देण्याची प्रक्रिया लवकर राबवावी अशा सूचना पालकमंत्री महोदय यांनी दिल्या.

*️⃣ सेवानिवृत्त होणाऱ्या शिक्षकांना सेवानिवृत्त दिनांकाच्या दिवशी त्याची सर्व प्रकारचे देयके मिळण्यास विलंब का होतो , त्यांना आनंददायी पेन्शन योजनेचा लाभ का लगेच मिळत नाही याची विचारणा पालकमंत्री महोदय यांनी अधिकाऱ्यांना  केली. भविष्यात याबाबत कोणतीही दिरंगाई होणार नाही याची काळजी घेण्यात यावी अशा सूचना अधिकाऱ्यांना देण्यात आल्या.

*प्रॉव्हिडंट फंड रकमा मागणी केल्यास लवकरात लवकर त्या शिक्षकांना मिळत नाहीत त्याबाबत पालकमंत्री महोदयांनी  त्या लवकरात लवकर कशा मिळतील याची काळजी घेण्याच्या  सूचना अधिकाऱ्यांना दिल्या.

*️⃣ वैद्यकीय बिले तात्काळ मंजूर करण्यात यावेत.त्यात कोणीही दिरंगाई करू नये.

*️⃣ शालेय पोषण आहार धान्य पुरवठा वेळेत होत नसल्याबाबत पालकमंत्री महोदय यांनी नाराजी व्यक्त केली व संबंधित ठेकेदाराला जिल्हा परिषद या ठिकाणी बोलावून  घेऊन धान्य पुरवठा वेळेत कसा होईल याची काळजी घेण्यात यावी असे सांगितले.

*️⃣ संघटनांचे जिल्हाध्यक्ष किंवा सचिव यांना महिन्याच्या दुसऱ्या सोमवारी जिल्हा परिषद मध्ये येण्यासाठी परवानगी देण्यात यावी व तसे अधिकृत पत्र काढावे असे निर्देश अधिकाऱ्यांना देण्यात आले.

*️⃣ दिव्यांग शिक्षक यांना शासननिर्णया प्रमाणे विविध  सोई सुविधा उपलब्ध करून देण्याच्या सूचना देण्यात आल्या.

*️⃣ पालकमंत्री महोदय यांनी  विद्यार्थी सुरक्षा,विद्यार्थ्यांचा सर्वांगीण विकास कसा होईल यासाठी सर्व शिक्षकांनी प्रयत्न करावेत असे आवाहन केले.

*️⃣ राज्यस्तरावरील संच मान्यता शासन निर्णय रद्द करणे ,मुख्यालय अट रद्द करणे, शिक्षण सेवक कालावधी रद्द करून नवीन शिक्षण सेवकांना नियमित शिक्षक करणे, शिक्षकांना मेडिक्लेम सुविधा उपलब्ध करून देणे व जुनी पेन्शन योजना लागू करणे या विषयासाठी राज्यस्तरावर संबंधित खात्याचे मंत्री यांच्यासोबत  संघटनांची बैठक आयोजित करण्याचे आश्वासन पालकमंत्री महोदय यांनी दिले.

 

पालकमंत्री महोदय यांनी ही सभा आयोजित केल्याबद्दल  त्यांचे व सर्व अधिकाऱ्यांचे आभार मानून सभेची सांगता करण्यात आली.

अखिल महाराष्ट्र प्राथमिक शिक्षक संघ रत्नागिरी 

🙏🙏🙏🙏🙏🙏🙏

अखिल सोलापूर जिल्हा प्राथमिक शिक्षक संघाची नूतन कार्यकारिणी

 *

अखिल सोलापूर जिल्हा प्राथमिक शिक्षक संघाची सोलापूरात बैठक संपन्न.*

🌹🌹🌹🌹🌹🌹

*नुतन जिल्हा कार्यकारिणीची निवड करण्यात आली.*

*सोलापूर येथील जिल्हा शिक्षक पतसंस्थेच्या कार्यालयात अखिल सोलापूर जिल्हा कार्यकारीणी निवडीसाठी नेते बाळासाहेब ढगे यांच्या अध्यक्षतेखाली संपन्न झाली. बैठकीस प्रमुख पाहुणे म्हणून राष्ट्रीय कार्याध्यक्ष तथा प्रदेशाध्यक्ष देविदासराव बस्वदे, उपाध्यक्ष तथा पुणे विभाग प्रमुख दिपक भुजबळ,माध्यम प्रमुख चंद्रकांत मेकाले, नांदेड जिल्हा सल्लागार तुका पाटील जाधव यांची प्रमुख उपस्थिती होती. आज संपन्न  झालेल्या  बैठकीत अखिल सोलापूर जिल्हा प्राथमिक शिक्षक संघाची नुतन कार्यकारीणी खालील प्रमाणे निवडण्यात आली.*

*जिल्हा नेते: बाळासाहेब ढगे*

*दिनानाथ बाबर(सोलापूर) जिल्हाध्यक्ष,*

 *रामकृष्ण काटकर (अकलूज)  सरचिटणीस,*

*मनोज गादेकर (माढा) कार्याध्यक्ष,* 

*आनंद होनराव (बार्शि) कोषाध्यक्ष,* 

*अंबादास बनसोडे (उत्तरसोलापूर) वरिष्ठ उपाध्यक्ष*  

 *यावेळी जहांगिर शेख, किशोर कुलकर्णी,अरविंद शिंदे,अल्ताफ अत्तार, सचिदानंद बरबडे,अभिमन्यू गायकवाड,अनिल गुंड, बाळासाहेब खूने यांची उपस्थिती होती.*

अखिल महा. प्राथ. शिक्षक संघ भंडारा.. नूतन कार्यकारिणी

 

*अखिल महा. प्राथ. शिक्षक संघ भंडारा*

`जिल्हा सभा`

*आज दिनांक 27 एप्रिल 2025 रोज रविवारला जे. के. हायस्कूल भंडारा येथे अखिल महाराष्ट्र प्राथमिक शिक्षक संघ भंडाराची सभा मा.अन्नाजी आडे सर कार्याध्यक्ष राज्य संघटना यांच्या अध्यक्षतेखाली मा. गोरे सर, मा. पवार सर, मा.केशव बुरडे सर मा.लोकेश गायकवाड सर राज्य पदाधिकारी तसेच मा.रमेश सिंगनजुडे सर जिल्हा सल्लागार, मा. बाळकृष्ण भुते सर जिल्हाअध्यक्ष मा. राजेश सुर्यवंशी सर. मा.विकास गायधने सर, मा. रशेष फटे सर, मा. सुरेश कोरे सर. मा. नरेश शिवरकर सर, मा. आदेश बोंबार्डे सर संचालक ग्राहक, शिक्षक पतसंस्था, सर्व जिल्हा पदाधिकारी, सर्व तालुका अध्यक्ष, सरचिटणीस व सर्व पदाधिकारी, सभासद बंधू आणि भगिनी यांचे उपस्थितीत जिल्हा कार्यकारिणी विस्तार व रीक्तपदे भरण्यासंदर्भात सभा पार पडली.*

*सभेमध्ये खालीलप्रमाणे जिल्हा कार्यकारीणी गठीत करण्यात आली.*

*श्री.मनोहर कहालकर - अध्यक्ष*

 *श्री.देवानंद दुबे - सरचिटणीस*

*श्री. बाळकृष्ण भुते - शिक्षक नेते* 

*श्री.ओंकार कठाने -  कार्याध्यक्ष*

 *श्री.विजय जाधव - कोषाध्यक्ष*

*श्री.महेश जगनीक - प्रवक्ता*

 *श्री.रामभाऊ गेडाम - संयुक्त सरचिटणीस*

*श्री.सिताराम मारबते  व श्री.प्रदीप दिघोरे - प्रसिद्धी प्रमुख*

*श्री. भांडारकर सर - जिल्हा उपाध्यक्ष*

*महिला जिल्हा अध्यक्ष - कु.ज्योती नागलवाडे*

 *माला नगरे मॅडम - सरचिटणीस*

 *रोहिणी खोकले - राज्य महिला प्रतिनिधी*

*यांची एकमताने निवड झाली.*

*सर्वांचे अभिनंदन व पुढील वाटचालीच्या हार्दिक शुभेच्छा💐🌷🌹.*

अखिल नागपूर जिल्हा प्राथमिक शिक्षक संघ कार्यकारणीची निवड

 🔥🔥🔥🔥🔥🔥🔥🔥

*🤛संघटन म्हणजे पोलादी मनगट🤜*

🔥🔥🔥🔥🔥🔥🔥🔥

🙏🙏🙏🙏🙏🙏🙏🙏

*जिल्हा कार्यकारिणी निवड सभा*

🙏🙏🙏🙏🙏🙏🙏🙏

*अखिल नागपूर जिल्हा प्राथमिक शिक्षक संघ*

🙏🙏🙏🙏🙏🙏🙏🙏

      आज दिनांक 27/04/2025 रोज रविवार ला विदर्भ बुनयादी हायस्कूल सक्करदरा नागपूर येथे *अखिल नागपूर जिल्हा प्राथमिक शिक्षक संघाची* सभा संघटनेचे वरिष्ठ उपाध्यक्ष *आदरणीय श्री अशोक बावनकुळे सर* यांच्या अध्यक्षतेखाली घेण्यात आली. 

       या सभेला *अखिल भारतीय प्राथमिक शिक्षक संघटनेचे जनरल कॉन्सिल सदस्य श्री रामूभाऊ गोतमारे सर*  राज्य संघटनेचे उपाध्यक्ष *श्री शिवानंद सहारकर सर* राज्य संघटक *सौ. आशाताई झीलपे मॅडम* सन्माननीय श्री वंजारी सर, श्री सुनील पेटकर सर, श्री मनोहर बेले सर, श्री प्रकाश बांबल सर, श्री चामट सर, सौ टिपरे मॅडम यांची प्रमुख उपस्थिती होती.

      सभेमध्ये पुढील तीन वर्षासाठी खालील प्रमाणे नवीन कार्यकारिणी निवडण्यात आली.

*🤝जिल्हा अध्यक्ष🤝*

*श्री धनराज बोडे सर*

*🤝जिल्हा सरचिटणीस 🤝*

*श्री वीरेंद्र वाघमारे सर*

*🤝कार्याध्यक्ष 🤝*

*श्री आनंद गिरडकर सर*

        वरील प्रमाणे प्रमुख तीन पदांची निवड करण्यात आली.

कार्यकारिणीचा उर्वरित विस्तार करण्याचे अधिकार  नवनियुक्त अध्यक्ष, सरचिटणीस व कार्याध्यक्ष यांना सभेच्या वतीने सर्वानुमते देण्यात आले.

या सभेला जिल्ह्यातील तेरा ही तालुक्यातील तालुका अध्यक्ष व सचिव तथा जिल्हा व तालुक्यातील सर्व मान्यवर पदाधिकारी व संघटनेचे सभासद मोठ्या संख्येने उपस्थित होते.

खेळीमेळीच्या वातावरणात सभा पार पडली. 

नवनियुक्त अध्यक्ष, सरचिटणीस व कार्याध्यक्ष यांचे राष्ट्रीय कॉन्सिल चे पदाधिकारी, राज्य पदाधिकारी व जिल्यातील सर्व उपस्थितांनी स्वागत केले. 

       सभेला श्री डी व्ही वंजारी सर व श्री अशोक बावनकुळे सर यांनी मार्गदर्शन केले.

सभेचे संचलन श्री वीरेंद्र वाघमारे व श्री हांडे सर यांनी तर आभार प्रदर्शन श्री दिलीप जीभकाटे सर यांनी केले.

🤝🤝🤝🤝🤝🤝🤝🤝

*वृत्तांकन:- श्री लोकेश सुर्यवंशी*

🤝🤝🤝🤝🤝🤝🤝🤝

कर्तुत्वाने व नेत्रदानाने अजरामर झालेल्या तेजस्वी स्व. सुनिताताई पाटील यांना भावपूर्ण श्रद्धांजली..

 *कर्तुत्वाने व नेत्रदानाने अजरामर झालेल्या तेजस्वी स्व. सुनिताताई पाटील यांना भावपूर्ण श्रद्धांजली* 

अखिल अमरावती महिला जिल्हा संघाच्या आधारस्तंभ कित्येक महिला शिक्षिकांच्या प्रेरणास्त्रोत,अखिल परिवारातील एक हसतमुख कार्यमग्न व्यक्तिमत्व सुनीता किरण पाटील. अकस्मात अपघाताचे निमित्त घडून अखिल परिवाराला कायमचा सोडून अनंताच्या प्रवासाला निघून गेल्या. जीवनाच्या वाटेवरून निघून जातानाही आपले नेत्रदान करून कुण्यातरी व्यक्तीला जग दाखविण्याचं सामर्थ्य देऊन गेल्या. जग सोडून जाताना आपले अवयव इतरांना देऊन, त्यांच्या जीवनात आनंद निर्माण व्हावा, ही त्यांची विचारसरणी.अवयवदान करण्याची पायाभरणी त्यांनी आधीच केलेली होती.पती श्री किरणजी पाटील,मुलगी तनुजा पाटील व इतर कुटुंबातील सदस्यांसोबत अवयवदानाबद्दल त्यांनी यापूर्वीच चर्चा करून निर्णय घेतलेला होता.या निर्णयाची अंमलबजावणी अतिशय कठीण प्रसंगात असामान्य धैर्य दाखवून पाटील कुटुंबीयांनी पूर्णत्वास नेऊन स्व. सुनीताताईंना खऱ्या अर्थाने श्रद्धांजली अर्पण केली.

      अमरावती जिल्हा संघाच्या संघटनेच्या जडणघडणीत ज्या शिक्षकांचा वाटा आहे, त्यामध्ये महिला शिक्षकांमधून सुनिता ताईंचा सिंहाचा वाटा आहे. संपूर्ण जिल्ह्याभर अखिल परिवाराचे जाळे अमूल्य योगदान आहे.संघटनेचा कोणताही कार्यक्रम असो, त्या कार्यक्रमाच्या नियोजनात स्व. सुनीताताईंचा सहभाग नाही,असं कधी घडलं नाही. स्टेजची तयारी असो,स्वागताचा कार्यक्रम असो,कार्यक्रमात त्यांनी आपली यशस्वी भूमिका व कर्तव्य यशस्वीरित्या पार पाडले.संघ परिवार त्यांचेही अभूतपूर्व कार्य कधीही विसरू शकणार नाही. अखिल महाराष्ट्र प्राथमिक शिक्षक संघाच्या प्रत्येक अधिवेशनात त्यांची उपस्थिती ही प्रकर्षाने राहायची. अनेक महिला व त्यांच्या कुटुंबांना घेऊन संपूर्ण भारतभर कित्येक यशस्वी प्रवासाचे नियोजन त्यांनी पार पाडले. सहकाऱ्यांना कठीण प्रसंगी मदत करून त्यांची समस्या सोडविण्यात ताईंचा वाटा आहे.

     प्राथमिक शिक्षिका म्हणून स्व.सुनीताताईंचा प्रवास सुरू झाला. एक आदर्श उपक्रमशील शिक्षिका व शिक्षकांच्या न्यायहक्कासाठी लढणारी एक रणरागिणी हे दोन्ही रूपे पाहावयास मिळाली. चिखलदरा सारख्या दुर्गम भागातून त्यांनी सेवेची सुरुवात केली, त्यानंतर पदवीधर शिक्षिका म्हणून त्यांनी कार्य केले. क्रीडा महोत्सवामध्ये प्रत्येक वर्षी त्यांनी टेनीक्वाईटच्या अंतिम किंवा उपविजेते हमखास ठरलेलं पारितोषिक त्यांच्या नावावर असायचं.यामध्ये सातत्य होते.कधीच खंड पडला नाही. खेळण्याची त्यांना प्रचंड आवड होती आणि हीच खेळाडूवृत्ती त्यांनी जीवनामध्ये उपयोगात आणली.संपूर्ण कुटुंबात प्रसन्न वातावरण तयार करून श्री. किरणजी पाटील यांना समर्थपणे साथ दिली.ताईंच्या अनेक आठवणी अखिल परिवारातील अनेकांना सोबत जोडलेल्या आहेत. अखिल भारतीय प्राथमिक शिक्षक संघाच्या नेत्या स्व. सुलभाताई दोंदे यांचा अमरावतीमधील मुक्काम सुनीता ताईंच्याच घरी असायचा. ताईमुळे मी आज शिक्षक आहे, हे आवर्जून श्री अमोलजी आखाडे सर सांगतात; नाहीतर मी एक मवाली म्हणूनच राहिलो असतो, हे ते स्वतः सांगतात. स्व . चंदनजी खर्चान सर यांच्या आजारांवर उपचारांसाठी श्री किरणजी पाटील सरांनी घेतलेल्या निणर्याच सुनिता ताईनी समर्थन करून खंबीर पाठिंबा दिला .ताईंचे अकस्मात निघून जाणे अखिल अमरावती जिल्हा संघासाठी फार मोठी हानी आहे. ही पोकळी भरून येणे अशक्य आहे. नियती पुढे मनुष्याचे काही एक चालत नाही. मिळालेलं आयुष्य तुम्ही कशाप्रकारे जगलंत, यावरच तुमचं मूल्यमापन होतं. ताईंच्या या आयुष्याचं मूल्यमापन करताना हेच करावं लागेल,संघटनेसाठी, विद्यार्थ्यांच्या शिक्षणासाठी ताई एक समर्पित व्यक्तिमत्व होत्या.

सासू आणि आईमध्ये फरक न करणारे व्यक्तिमत्व म्हणजे सुनीता ताई पाटील. सासूचा धुमधडाक्यात अमृत महोत्सव साजरा करणारी, सुनेचं पूर्ण कर्तव्य पार पाडणारी सुनीता ताई एक अनोखं व्यक्तिमत्त्व होतं.

सुनीता ताईंचं अचानक निघून जाणं हे अनाकलनीय आहे. ताईंच्या बाबतीत 'जो आवडतो सर्वांना तोच आवडे देवाला' हेच वाक्य लागू पडते. अखिल अमरावती जिल्हा संघ परिवाराकडून ताईंना भावपूर्ण श्रद्धांजली.

✒️ सुभाष सहारे, जिल्हा सरचिटणीस अखिल महाराष्ट्र प्राथमिक शिक्षक संघ जिल्हा अमरावती

🟰🟰🟰🟰🟰🟰